الشعرية الصينية بالكروفيت و الخضر

المقادير :

* كروفيت منقي

* الشعرية الصينية

* بيضة

* جزرة منقية و مقطعة رقيقة

* شوية الكرنب مقطع رقيق

* 5 البصلات الخضرين الطوال مقطعين

* صلصة الصويا

* شوية زيت الجنجلان(اختياري)

* زيت رومية

* ملح و ابزار و شوية الهريسة

الطريقة :

* ناخد مقلى نعملو فيها شوية الزيت تسخن نضيفو الكروفيت نعملو له شوية الملح و نشحروه شوية ثم نهزو الكروفيت من المقلى نحطوها في إناء آخر و نحتافظو به.

* نعملو الخضر على هديك المرقة لي بقات في المقلى و نشحروهم مزيان حتى ينزلو نحاولو نجمعوهم في قنت واحد ديال المقلى (كما في الصورة) و نخويو البيضة و نحركوها لوحدها حتى طيب عاد نخلطو الكل و نضيفو الفرميسيل لي سبق لنا رطبناه في الما سخون و قطرناه عاد نرجعو الكروفيت لي حيدنا قبل و نزيدو عليهم الملح و الابزار و الهريسة و زيت الجنجلان و صلصة الصوجا نشحرو الكل واحد الشوية و بالصحة و الراحة