سلطة منعشة بالمقرونية المجعبة

المقادير :

* مقرونية مجعبة

* شوية جلبانة مسلوقة

* جزرة محكوكة غليظة شوية

* شوية درة مسلوقة او المعلبة

* شوية الزيتون كحل مقطع صغير

* نصف فلفلة حمرة حلوة مقطعة صغيرة

* المايونيز

* الملح ابزار

الطريقة :

* انا زدت شوية الكروفيت شحرته في شوية الزبدة و الملح و الابزار و انتما لكم الاختيار ممكن تستعملو شوية صدر الدجاج مقطع مربعات صغار و مشحر في الزبدة و الملح و الابزار و يمكن تستعملو طون او ممكن متستعملو حتى وحدة.

* نسلقو المقرونية في الماء مع شوية الملح و زيت العود ملي تطيب نغساوها بالماء البارد و نصفيوها من الماء

* ناخد المقرونية لي صفينا من الما نزيدو عليها المقادير كاملين و نضيفو المايونيز و الملح و الابزار نخلط مزيان ندخلوها ثلاجة تبرد شوية و بالصحة و الراحة.