سيكار بالبطاطا بحشوة جديدة

المقادير :

* بصلة مشلظة رقيقة
* 2 بطاطات متوسطين مسلوقين و مطحونين
* فلفة صغيرة حارة مقطعة صغيرة اختيارية
* شوية جلبانة مسلوقة
* قزبر مقطع
* 2 فصوص الثوم مدقوقين
* شوية الحلبة حبوب
* شوية الكمون حبوب
* ملح _ الخرقوم عواد مدقوق _ التحميرة
* شوية سكنجبير خضر محكوك
* شوية القزبر حبوب مدقوق
* شوية الفرماج محكوك
* شوية الزيت
* ورقة البسطيلة
* زبدة مدوبة مخلطة مع شوية الزيت لدهن الورقة

الطريقة :

ناخد مقلى نعملو فيها زيت و الحلبة حبوب و الكمون حبوب و نشحروهم شوية حتى يطلقوا النسمة ديالهم في زيت نضيفو عليهم البصلة و الثوم و  سكنجبير خضر محكوك نشحروهم مزيان حتى تنزل البصلة و نضيفو الفلفلة حارة و الملح و الخرقوم و التحميرة نحرك قليلا ثم  نضيف الجلبانة و  في الأخير بطاطا نحرك قليلا ثم نزيله من النار و نضيف إلى الخليط قزبر مقطع و القزبر حبوب مدقوق و  الفرماج محكوك  ثم نخلط الكل حتى يتجانس و نخليوهم يبردو و نعمرو البريوات ديالنا و بالصحة و الراحة.