مطبخ أم هبة

الجمعة، 26 أكتوبر 2018

فوائد قشور البنان

* ناخدو الجهة الدخلانية لهادوك القشور و نمسحو بهم الصبابط تاع الجلد و نعاودوهم بزيف ناشف هاد طريقة تتخلي صبابط بحال الا جداد.

* بما انا قشور البنان غنيين بالمغنيزيوم و البوتاسيوم ملي تنحكو بهم الاسنان ديالنا تيبيضوهم و تيقويوهم.

* ناخدو دوك القشور و نزيدو عليهم شوية الما و نطحنوهم و هداك الخليط ندهنو به أواني الفضة نخليوهم شوية و نعاودو نمسحوهم بزيف ناشف تيرجعو تيشعلو.

* الا عندك شي محابق او جردة قطعي دوك القشور و رميهم فيهم كيغدي الغرس لانهم كيحتويو على بزاف ديال الفيتامينات و الأملاح المعدنية.

* الا قرصاتك شي حشرة حطي على القرصة طرف من قشور البنان غادي تبردها.

* ممكن نحط قشرة البنان وحدة على جبهة و أخرى على القفة باش تهدا الصداع لي في الراس الا ضرنا راسنا.

* بالنسبة لي كتشكى من التولال ناخد طريف و نوضعوه من الجهة الدخلانية على تولالة و نعملو لها لصقة الجرح بالليل و نخليوهم حتى الصباح عاد نزولوها و نعاودوها مرة أخرى بالليل حتى تزول التولال.

الخميس، 25 أكتوبر 2018

كاوكاو معسل بالجنجلان

المقادير :

* 250غ كاوكاو

* 12 معلقة كبيرة سنيدة

* 12 معلقة كبيرة ماء

* 2 فاني

* 200غ جنجلان محمر

الطريقة :

* تاخد مقلى نعملو فيها الكاوكاو و سنيدة و الفاني و الماء نعملوهم على النار مع تحريك حتى تنشف و تولي كلها غير سنيدة و كاوكاو نستمرو في التحريك حتى تدوب و نفرغوهم فوق الجنجلان و نحركو بسرعة باش يتفند كله بالجنجلان و ميلصقش كاوكاو مع بعضياته و نخليوه حتى يبرد.

الأربعاء، 24 أكتوبر 2018

معجون الثوم

المقادير :
* ثوم
* قليل من زيت الزيتون
* ملح اختياري

الطريقة :

* نقشر الثوم ثم نعمله في اناء مملوء بتلماء و نتركه نصف ساعة.

* نصفي الثوم من الماء جيدا ثم نطحنه مع الزيت و الملح تلى ان نحصل على خليط متجانس نعملوه في قرعة الزاج و ندخله الثلاجة الا عملنا معه الملح وخا ندخله المجمد متيجمدش تيبقى رطب.

الخميس، 18 أكتوبر 2018

فرماج للدهن ساهل و اقتصادي

المقادير :

* لتر حليب من الاحسن يكون كامل الدسم باش يخرج كمية مزيانة من الفرماج.

* 5 معالق كبار عصير الحامض اولا الخل الابيض لي متوفر عندك .

الطريقة :

* نعملو الحليب ديالنا في كسرونة فوق البوطة غير يغلي نطفيو عليه و نفرغو عليه عصير الحامض نحرك شوية و نخليوهم واحد الفترة بسيطة حتى يبان لنا الحليب تكثل كما في الصورة و نصفيوه اما بالصفاية او زيف حياتي منخليوهش يتقطر بزاف ناخدوه نعملوهم في إناء و نضيفو له شوية الملح و نطربوه مزيان بالباتور لمدة 5 دقائق الا بان لنا ثقيل نضيفو شوية من داك الما لي صفينا و حنا كنطحنو حتى نحصلو على سمك إدلب بغينا عاد نعملوه في طاسة كتسد مزيان و ندخلوه الثلاجة على الأقل 3 سوايع ممكن نخليوه ليلة كاملة و بالصحة

و الراحة.

* هاد الفرماج تيجي طبيعي الا بغيتي تنسميه ممكن تعملي شوية الزعتر أو آزير أو ثوم غبرة ....... مع الحليب ملي كيكون كيغلي .