فخيدات الدجاج في الفرن

المقادير :

* الدجاج مغسول و مقطع انا ستعملت فخيدات

* بطاطا منقية و مقطعة طريفات طوال و رقاق شوية

* القزبر و المعدنوس مدقوقين

* ملح ابزار كمون تحميرة

* 3 فصوص ثوم محكوكين

* شوية هريسة او السودانية حسب المتوفر عندك

* شوية الخل او عصير الحامض

* شوية الزيت


الطريقة :

نوجدو الشرمولة بالملح الابزار الكمون التحميرة الربيع الثوم الهريسة الخل الزيت ممكن نضيفو معلقة ماء باش نخلطوها مزيان نرقدو الدجاج و البطاطا في هاد الشرمولة حتى يتشربو مزيان و ناخدو اناء الفرن و نستفو فيه البطاطا و نعملو فوقها الدجاج نغطيوهم بورق الطبخ و الالمنيوم و ندخلهم الفرن ملي نحسو بهم طابو نحيدو الورق و نخليوهم ينشفو و يتحمرو و بالصحة و الراحة.