اسرار لذة الرفيسة المغربية

* ملي تبغي طيبي الرفيسة زيدي معاها واحد الراس ديال الثوم كامل ممقشرش كتعطيها نسمة زوينة.

* بالنسبة للعجينة ديال المسمن نعملو فيها شوية المساخن و شوية زعفران زغبة لي نكونو رقدناه في شوية الما حتى طلق و يلا مكانش عندنا نعملو في بلاصته ضامة ديال الزعفران و نزيدو راس معلقة السمن  باش المسمن يجي منسم حتى هو و يجي بنين.

* في المرقة منعملوش البصلة الحمرة بوحدها نعملو نصف حمرة و نصف بصلة صفرا لانه البصلة الحمرة كتخلي المرقة لونها مغموق.

* كنعملو واحد معلقة ديال الفول مقشر مع المرقة من الاول باش كيختر لنا المرق.

* باش الرفيسة تجيك مسقية مزيان من الداخل كتاخدي القصرية او الطبسيل لي غتحطي فيه كتخوي شوية ديال المرق هو الاول و تحطي فوقه شوية المسمن و تسقيه بشوية المرق عاد تحطي المسمن لي بقا لك و تسقي كلشي.  

* بعض المرات كتصاوبي المسمن و كتشاط وحدة ولا شي طريفات في العوض الالا مايبسو و ترميهم عمليهم في الكونجلاتور و هكا حتى تجمعي واحد الكمية كبيرة خرجيهم حتى يرخفو و بخريهم و وجدي لهم مريقة و ها رفيسة واجدة.

* الا عملتي رفيسة و شاطت لك المرقة زيدي عليها شعرية او الروز و خليه يطيب و ها العشا وجد.