سلطة الأرز الصينية

المقادير :

* الروز صفر مسلوق شوية لحقاش مزال غادي يتشحر و خاصو يكون مسقطر من الماء و ناشف مزيان

* بصلة مشلظة رقيقة

* 3 رؤوس ثوم مدقوقين

* شوية سكنجبير خضر محكوك

* خيزو منقي و مقطع طريفات صغار و مسلوق

* عويدات ديال الكرافس مقطعين مربعات صغار غير العواد مفيهمش الوراق

* شوية جلبانة مسلوقة

* 3 بصيلات رقيقات طوال مقطعين صغار

* زيت رومية بزار

* ملح على حسب الدوق

* 2 معالق صغار زيت الجنجلان الا عندك الا مكانش ممكن تستغناي عليها

* صلصة الصوجا.

الطريقة :

* ناخد مقلى نعملو فيها شوية الزيت تسخن نزيدو عليها الثوم و السكنجبير و البصلة نحرك و نخليوه مدة دقيقة حتى الجوج ثم نزيدو الجزر و الكرافس و نحرك عاد نعمل شوية البزار و زيت الجنجلان و شوية صلصة الصوجا نحرك جيدا و نخليوه يتشحر شوية ثم نضيف الجلبانة و الروز شوية بالشوية مع تحراك حتى يندامجو و نزيدو شوية صلصة الصوجا و نحرك عاد ندوقوه نشوفو القياس لي غنزيدو ديال الملح لحقاش صوص صوجا مالحة و نشحروه لمدة 4 الى 5 دقائق عاد نضيف البصلة الخضارية نحرك قليلا و نطفيو عليه كيجي المداق ديالو رائع و بالصحة و الراحة.