استعملات بيكربونات صودا الجزء الثالث

اليوم ان شاء الله الجزء الثالث من فقرة نصيحة لي خصصتها لبيكربونات صودا و غنتكلم ان شاء الله على استعملاتها في مجال الطبخ نبداو على بركة الله :

* ممكن نستعملو بيكاربونات صودا في الماء لي غنغسلو بها الخضر و الفاكهة لأنها مندوب الرمل و الغبار اللي لاصق فيها و كنساعد على التخلص من الحشرات لي موجودة عليها.

* كتنفخ الكيك و تخليه هشيش بسبب تفاعلها مع الحليب او دنون او عصير الليمون غير هي مخصناش نفوتو ربع معلقة صغيرة لحقاش الا كثرناها كتمرر.

* ممكن نضيفو شوية بيكاربونات صودا للقطاني ملي يكونو كيطيبو كتسرع الطبخ ديالها و في نفس الوقت كتيره الهضم ديالهم.

* عادة الا بغينا نطلعو البيض تنعملو معاه قبصة الملح باش يطلع مزيان هاد المرة جروب معاه قبضة بيكاربونات صودا و شوفو نتيجة رائعة.

* عملتي صلصة الطماطم و جاتك حامضة بزاف حاولي ترشي عليها شوية بيكاربونات صودا و غادي تلاحظي الفرق.

* الا كان عندك اللحم قاصح شوية متيبغيش يطيب رشي عليه شوية بيكاربونات صودا قبل مطيبيه خليه شوية عاد رديه غادي تلاحظي بأنه دغيا طاب.