بانيني بالطون بمذاق مختلف

المقادير :

* خبز البانيني

* بصلة مشلظة

* فلفلة مقطعة مربعات صغار

* مطيشة منقية و محيدين لها الزرارع و مقطعة مربعات صغار

* معلقة كبيرة مطيشة الحك

* 2 حكاك الطون ( بالزيت او الماء ) مصفيين

* شوية الزيت

* ملح ابزار كمون

* الفرماج

الطريقة

* نشحرو البصلة و الفلفلة في الزيت حتى يدبالو نضيفو عليهم مطيشة ونخليوها حتى تنزل شوية و نزيدو عليهم العطرية و مطيشة الحك نخليوهم يتشحرو شوية عاد نزيدو الطون ينشفو شوية و نخليهم يبردو.

* نعمرو الحشوة في الخبز و نعملو عليها شوية الفرماج و نعملوها في مكينة البانيني و بالصحة والعافية .