نصائح هامه عند شراء الاسماك

في شهر رمضان المبارك يستهلك السمك بكمية كبيرة داكشي علاش  خصنا نعرفو كيفاش نتقداوه مزيان :

* خاص السمك يكون لون الخياشم دياله أحمر او وردي غامق و خالي من المواد اللزجة مايكونش وردي باهت و ماشي مغموق غادي للاسود.

* السمك عينيه خاصهم يكونو صافيين لامعين.

* الا قبطنا السمكة بشكل أفقي من الراس ديالها خاصها تبقى مستقيمة مايسقطش الذيل ديالها.

* يكون سطح السمكة يلمع و الا ضغطتي شوية عليه بصبعك تيرجع كيفما كان.

* يكون القشور لي فيها لاصقين ماشي متساقطين و كيتحيدو بسهولة.

* بطن السمكة ميكونش منفوخ و فيه رائحة كريهة.

* الا شريتي السمك و جبتيه الدار كتعملي اناء فيه ماء و تديري فيه داك الحوت الا نزل الحوت لتحت و ما طفاش فوق الماء راه جديد لانه السمك القديم كيطفو فوق الماء لانه مملوء بالغازات الناتجة على تحلله.

* إذا كنت ذاهباً للتسوق، فاجعل الأسماك آخر مشترياتك.

* الا لقيتي الحوت جديد و بثمن زوين و بغيتي تعمليه في المجمد متنقيهش و متعملهش مجموع خودي بلاسيكة و ستفي فيها قياسك وحدة جنب وحدة و غلقي مزيان باش ملي تجبديه من الفريكو مياخدش وقت طويل باش يترخف و ملي كتنقيه كيجي بحال الا عاد شريتيه.