بطيبيطات بالطون بشكل جديد

المقادير :

* بصلة مشلظة رقيقة

* نصف فلفلة خضرا مقطعة مربعات صغار

* فص ثوم محكوك

* 2 مطيشات منقيين و محيدين لهم زرارع و مقطعين رقاق

* معلقة كبيرة ربيع مفروم

* ملح تحميرة خرقوم شوية الكمون

* طون

* بطبوط صغير

الطريقة :

ناخد إناء نعمل فيها الزيت و البصلة تشحر و نضيف لها الفلفلة و الثوم و الملح و نخليوهم حتى ينزلو نزيدو مطيشة و العطرية و نحرك الكل حتى تنشف الحشوة و نزيدو الربيع يتشحر شوية نزيدو عليها الطون نخلط الكل جيدا و نطفيو عليها و نخليوها تبرد.

اما نعمرو البطبوط و نقدموه هكاك او نزيدو عليه الفرماج و نعملوه في الة البانيني حتى يتحمر شوية و يدوب الفرماج و نقدموه سخون و بالصحة و الراحة.