كرص خفيف و مفشفش

المقادير :

* كأس كبير حليب دافئ
* 3 كيسان كبار و نصف دقيق (نفس كأس الحليب)
* كأس عنبة زيت
* كأس عنبة الا ربع سكر
* خميرة
* بيضة
* معلقة كبيرة خميرة الخبز
* معلقة كبيرة نافع مهرمش
* ملح
* للتزيين : بيضة و جنجلان


الطريقة :

* ندفيو الحليب شوية مع النافع.

* نعملو في مولنكس الحليب + زيت + بيضة + سكر + ملح + الخميرة و نطحن الكل جيدا حتى يعطي الرغوة.

* في إناء نعملو 3 كيسان دقيق و نضيف ليه الجنجلان و خليط المولنكس كامل فنحصل على عجين مقطع نبداو نضيفو النصف كأس الدقيق لي بقى حتى تجمع و تبقى مرخوفة نجيبو بلاستيكية نعملو فيها العجين نسدوها بيد و ندلك باليد الأخرى مرة مرة نخبطوها مع الطالبة نحلو فم الميكا و نعملو ها في كوكوت و نسدو عليها حتى تحمر و ملي تخمر نعملو ها كويرات و نستفوهم في اللاطة و نخليوهم يخمرو مرة أخرى ثم ندهنوها بالبيض نخلط مع شوية الحليب و ندردرو عليهم جنجلان و ندخلوهم الفرن و بالصحة و الراحة.