معجون الفلفل كبديل للتحميرة

ناخد الفلفلة حمرا حلوة نغسلوها نحيدو ليها الزرارع و نقطعوها طراف الا بغيناها عادية نديروها بوحدها 

و الا بغينا نسموها نزيدو عليها :

2 ضروس ثوم

2 ورقات سيدنا موسى

نص معلقة صغيرة ابزار

نص معلقة صغيرة قزبر حبوب مدقوق

نعملو كلشي في طنجرة الضغط و نزيدو عليهم كاس الماء و نسدوها ثم نعملوها على عافية مهيلة مدة 20 دقيقة ملي تطيب نفتحو الطنجرة نزولو ورقة سيدنا موسى و نطحنو الكل ونردوه للطنجرة نزيدو شوية الزيت و نشعلو عليه البوطة ينشف حتى مايبقاش فيها الماء نخليوها تبرد و نعمروها في قرعة الزاج و نعملو فوقها شوية الزيت و نعملوها في الثلاجة.