شوربة القمرون بالبلبولة

المقادير :

* جزرة وحدة
* لفتة وحدة
* بصلة
* كرعة خضرة وحدة
* شوية ليشو
* بورو وحدة
* مطيشة وحدة
* ربطة الربيع مخلط
* كروفيت
* شوية الفطر الأسود مرطب في الماء و مقطع صغير
* معلقة كبيرة دقيق شعير الا ماعندكش ممكن تعوضيها بالدقيق العادي او مايزينا 
* 2 معالق كبار بلبولة
* معلقة كبيرة مطيشة الحك
* زيت. ملح. اسكنجبير

الطريقة :

نقي الكروفيت و نحطه على جنب و ناخد القشور نعملهم في إناء و نضيف عليهم الماء و نخليه يطبخو شوية نصفيهم و نحتافظ بالماء دياله.

نعمل الخضر في طنجرة الضغط و نضيف الماء لي طبخنا فيه قشور الكروفيت + عطرية + زيت و قبطة الربيع و نغلق الطنجرة  حتى تطيب و نخليها تبرد ثم  نزولو قبطة الربيع و نعملو الخليط في المولنكس و نزيدو عليه الدقيق و نطحن الكل.

نرجع طنجرة فوق البوطة ملي تبدا تغلي نزيدو شمبنيو و البلبولة و نخليوها تطيب عاد نزيدو مطيشة الحك عاد الكروفيت غير يغلي شوية و نطفيو عليها و بالصحة و الراحة.